زەکەریا یاپجیئۆغلو سەرۆکی گشتی هودا پار لە ناوەندی گشتی حیزبەکەی پێشوازی کرد لە عەلی باپیر سەرۆکی کۆمەڵی دادگەریی کوردستان.

دوای دیدارەکە هەردوو سەرۆک کۆنگرەیەکی ڕۆژنامەوانی هاوبەشیان ڕێکخست و هەردوو سەرۆک باسیان لە خۆشحالی خۆیان بەهۆی سەردانەکە کرد.

یاپجیئۆغلو وتی، "بەڕێز عەلی باپیر سەرۆکی کۆمەڵی دادگەری کوردستان سەردانی ناوەندی گشتیمان کرد. بەخێرتنیان و شاندی یاوەر دەکەم. سوپاسیان دەکەم بەهۆی ئەم سەردانە. هیوادارم ئەم سەردانە ببێتە وەسیلەی گەشەپێدانی پەیوەندی نێوان هەردوو حیزب."

عەلی باپیر باس لە خۆشحالی خۆی کرد بۆ سەردانەکە و وتی، "ئومێدوارم هودا پار ڕۆژ بە ڕۆژ زیاتر گەشەبکات و بەرەو پێشەوە بچێت. چونکە خەڵکی کوردستانی باکوور زۆر پێویستیان هەیە بەو ناسنامەی کە هودا پار هەڵیگرتووە کە ناسنامەی ئیسلامەتییە. وە ئیسلام ئایین و مێژوو و کولتووری میللەتەکەمانە. هەر بیرۆکەیەکی دیکە شتێکی غەریب و نامۆیە بۆ میللەتی کورد. هیوادارم میللەتی کورد بە گشتی چ لە باکووری کوردستان و چ باشوور، ڕۆژئاوا و ڕۆژهەڵات، زیاتر بگەڕێتەوە سەر ڕەسەنایەتی خۆی. بێ گومان گەڕانەوەی میللەت کورد بۆ ڕەسانەتی ئیسلامیی خۆی فاکتەرێکی زۆر بەهێز و کاریگەر دەبێت بۆ زیاتر پەیدابوونی تەبایی. نەمانی ئەو دووبەرەکی و ناکۆکی کە ئێستا هەیە بەهۆی وەشاندنی تۆوی حیزبی عەلمانی لە نێو میللەتەکەماندا. هیوادارم کە پەوەیدنی دووقۆڵی ڕۆژ بە ڕۆژ بەرەو پێشکەوە بچێت. بە تەئکیت، چ ئێمەن چ ئەوان چ هەر لایەنێکی دیکەی ئیسلامی ناتوانێت جگە لە دڵسۆزی بۆ خەڵک شتێکی دیکەی هەبێت."

ناوبراو لە بەردەوامی وتی، "میللەتەکەی ئێمە زۆر پێویستی هەیە بە هەوینی برایەتی، تەبایی و ئاشتی زیاتر لە نێودا هەبێت. ئومێدیشم وایە کە جەنابی سەیدا زەکەریا لە نێو وەفدی دانوستانکاری ئەو پرۆسەیەی ئاشتەواییشدایە لە نێوان دەوڵەت و پەکەکە دەستیپێکردووە، هیواداریم ئەم پرۆسەیەی ئاشتەواییەش بە ئەنجام بگات. وە هەردوولا زیاتر لە یەکدی بێنە پێش و متمانە بە یەکدی پەیدا بکەن. خەڵکی تورکیا بە گشتی، بە کورد و تورک و میللەتەکانی دیکەش زۆر پێویست بەو پرۆسەیە هەیە کە سەروبەر بگرێت. هیوادارم لە شوێنەکانی دیکەش لە ڕۆژئاوای کوردستان، لە ڕۆژهەڵاتیش و هەروەها لە باشووریش هەموومان زیاتر بیر بکەین بۆ خاڵە هاوبەشەکان. خودای گەورە دەفەرموێ، ئەو خاوەن کتێبەکان وەرن بۆ ئەو شتەی کە هاوبەشە. ئێمە دەبێت لەگەڵ نامسوڵمانانیشدا بۆ خاڵی هاوبەش بگەڕێین، چ جای لە نێو خۆماندا."

ناوبراو لە کۆتاییدا سوپاسگوزاری هودا پار کرد بۆ پێشوازییەکە گەرمەکەی یاپجیئۆغلو و هودا پار.(İLKHA)